يـــلا بـــيــــنــــا نـــصـــلى

نخش فى الموضوع على طول
ليه يا جماعة ناس كتير مننا مش بتصلى
مع ان احنا جايين هنا الدنيا عشان العبادة كتير مننا اوى
ناسى الموضوع ده والى بيتحجج بكذا حاجة الى يقولك مش قادر اتوضى
الدنيا برد وبتاع نستحمل برودة المية والجو فى الدنيا ولا حرارة جهنم عند ربنا
يا جماعة انا والله ما بلوم اى شخص فيكو بالعكس انا بقلكو نصايح وحاجات
يمكن تنفعنا فى الاخرة وفى منا الى مش ملتزم انا كمان مكنتش ملتزمة
بس الحمد لله ابتديت اواظب
والله بنشوف ناس كتير اوى تتحجج بموضوع ان الجو برد والمية بتبقى برودتها كبيرة
[والاسلام دين يسر
انت ممكن تدفى الميه وتتوضى
ونتصرف وبطل كسل قلنا
طب اقولك على حاجه
عارف لو انت صليت اى صلاه فى جماعه
مره واحده يتكتب لك
وكأنك صليت 280مره
بص حبيبك النبى قال
صلاه الجماعه افضل من
صلاه الفد
ب(27)درجه يعنى هنقول
اقل حاجه 28 لانها افضل من
واول ما الصلاه فرضت
فرضت 50 صلاه
يوميا ولما الرسول كلم
ربنا علشان يخففها عننا
بقت 5 صلوات يوميا وربنا
قال ساعتها
(يا محمد خمسه فى العمل
وخمسون فى الاجر
مايبدل القول لدى )
يعنى الصلاه الواحده
بتساوى 10صلوات فى الاجر
والصلاه فى جماعه
قلنا ب 28 اضربهم فى بعض
28×10=280
واليوم الواحد لو صليت
الخمس فروض
يبقى 1400صلاه
والحساب يوم الحساب
انت عارف الحديث بتاع بناء الاسلام
اللى هو بنى الاسلام على خمس
بالظبط قولو كده
الشهاده واقام الصلاه و...
بس مش ملاحظ حاجه
انك ممكن تشيل اقام الصلاه
وتحط اداء الصلاه
هتقول مش هتفرق كتيير بس ده
حيث ماينفعش اغير فيه
عارف بس افهم ليه اقام الصلاه
وربنا قال(اقم الصلاه ....)
و(واقام الصلاه ...)الايات
هتقولى طيب ليه ؟؟
لان الاقامه غير الاداء
لان الاداء انت بتأدى حاجه
وبتنزلها من عليك
زى لاعب ادى كويس
فى الماتش
يعنى لعب كويس بس الماتش
خلص خلاص
اما اقامه الصلاه من يقيم الصلاه
زى بالظبط لما اقولك انا
هقيم عمارة هنا
يعنى سواء سكنت فيها
او حتى بنتها وسبتها
هى موجوده
يعنى لو اقمت الصلاه
فى قلبك يعنى
سواء وقت الصلاه او مش فى
وقت الصلاه هى مأثره فيك
بانها بتخليك تبطل معاصى
وبالتدريج ومن غير ماتحس
هو مش الرسول صلى الله
عليه وسلم قال
من لم تنهه صلاته عن
الفحشاء والمنكر فلا صلاه له
طيب وانا قبل كده قعدت فتره
صلى وماعملتش حاجه
ينفع واحد انت لسه
مصاحبه من كام يوم
تقوله على اسرارك
وتاخد عليه
وتغير فيه ويغير فيك زى واحد
انت مصاحبه من سنه
هتقولى لا طبعا
خلاص يبقى الصلاه لازم
تاخد الاول عليها علشان تغيرفيك
وثانيا الحديث ده ضعيف
ثالثا ربنا قال (ان الصلاه تنهى
عن الفحشاء والمنكر )يعنى مش
انت اللى هتنهى نفسك
واحنا قلنا قبل كده 4
على واحد حراااااام
والاربعه (النفس الاماره بالسوء)
(والشيطان)
(والهوى يعنى المزاج)
و(الحسد)
عليك لوحدك والحل انك
تستعين بربك وحده
هو اللى هيعينك يبقى انت
لازم تقربله بالطاعه والطاعه
مش مضمونه الا
بالصلاه
والصلاه بنهى عن الفحشاء
والمنكر يبقى انت هتقرب
من غير ماتحس وهتبطل كتيييير اوى من ذنوبك من غير
ماتحس لانك كل اللى هتعمله انك هتصلى بس
انت عارف الصلاه انها بتلم معظم العبادات فيها
فيها ميزه غريبه اوى
علشان كده اسمها ام العبادات اول ما بتبدأ الصلاه
, وبتمتنع عن الاكل (شبه الصوم ),
وبتقرا قران ,وبتدعى ,
ولازم تحافظ على وقتها (فريضه الوقت )
وحاجات كتييير وافتكرت مشكله تانيه
ان تارك الصلاه كافر بس فى ناس بيقولو مش
خارج من المله وناس بيقولو خارج
خارج ولا مش خارج انت ايه
اللى يخليك تاخد اللقب ده اساسا
ناس كتير بتقول كده
عارف الحب من طرفين
هتقولى احنا بنتكلم فى موضوع الصلاه ...
هو مش احنا قلنا هندردش مع بعض
ماشى بس فى الموضوع بتاع الصلاه
ماشى ما احنا لسة بنتكلم فى نفس الموضوع بتاع الصلاة
عارف الحب من طرف واحد؟؟؟؟
اكيدعارفه بس خنيق اوى تقعد تحب واحد
ويفضل مطنشك ولا حاسس بيك كده وفى الاخر تزهق
والحب من طرفين زى القمر
طب تعرف ان الصلاه حب من طرفين
هتئول ازاى ؟؟لان ربنا قال
ربنا قال قسمت الصلاه بينى وبين عبدى
ولعبدى ما سأل هتقولى طب ازاى ؟؟
لما بتدخل فى الصلاه وتقول الحمد لله رب العالمين
ربنا يرد عليك ويقول حمدنى عبدى وكدة
واقرب ما يكون العبد من
ربه وهو ساجد بدعى زى ما هو عايز

يا رب بجد تكونو استفدتو وبجد انا تعبت اوى فى الموضوع نقلت من كذا كتاب على شوية مواقع اسلامية
ولخصتها فلازم ي جماعة نصلى احنا محتاجين حسنة واحدة
مين عارف يمكن دى الى تدخلنا الجنة وتنقذنا من النار
اسفة ان كنت طولت عليكو

شكرا عالمرور

شكراً على الموضوع